Nátthagi er gróðurlítill dalur rétt norðan við Suðurstrandarveg og sunnan við Fagradalsfjall. Vorið 2021 tók þunnfljótandi dyngjuhraun að renna niður í dalinn frá gígnum í Geldingadölum og þakti botn hans og fyllti hægt og hægt.

Það var merkilegt að fylgjast með hvernig þessi dalur fylltist af hrauni frá elgosinu í Geldingadölum og fá að verða vitni af því hvernig nýtt landslag myndaðist. Ég fór sennilega um tuttugu sinnum þangað til þess að ljósmynda og taka video af breytingunum og það var alltaf eitthvað nýtt að sjá. Stundum settist ég niður í einn til tvo klukkutíma einfaldlega til þess að upplifa kraftana sem þarna áttu sér stað og alltaf fór það svo að hraunið hafði betur og þurfti ég þá að standa upp og færa mig.
Að lokum fylltist dalurinn og allir biðu, eða bíða eftir því að hraunið renni út úr dalnum ef eldgosið er ekki hætt.

Þessar þrjár myndir sýna hvernig hraunið skóf upp Leirbotninn á Nátthagavatni og hélt áfram eins og enginn væri morgundagurinn.

Fyrir mig voru þetta forréttindi að fá að fylgjast með þessum kröfum náttúrunnar.