Öndverðarnes er bær yst á Snæfellsnesi, sem nú er í eyði. Þar voru áður mörg býli, hjáleigur og þurrabúðir. Þar er friðlýstur gamall brunnur norðvestur í túninu sem nefnist Fálki.

Brunnurinn er mikið mannvirki og er sagður vera helsta fornvirki á Öndverðanesi. Í brunninum eru þrjár uppsprettur eða æðar, vatns- sjó- og vínæðar og sagt var að áður fyrr hefði jafnan verið regla að hreinsa hann á hverju ári. Að honum liggja um 10 m löng göng hlaðið úr grjóti. Fyrstu fjórir metrar ganganna halla aðeins niður og eru fyrir framan sjálfan innganginn að brunninum sem er tréhurð. Þar fyrir innan taka við yfirbyggð göng sem eru um 0,8 m að breidd og 1,8 m að hæð.

Hliðarnar eru hlaðnar úr grjóti og 5-6 stórar hellur mynda þakið yfir göngunum. Göngunum hallar aðeins niður og eru allt að 17 þrep niður að vatninu. Innst í göngunum er sjálfur brunnurinn sem er um 1-1,5 m í þvermál. Í brunninum er nú 0,5 m djúpt vatn, en hann hefur líklega verið dýpi áður fyrr. Þetta var eini brunnurinn á svæðinu og sóttu allir íbúar Öndverðarness vatn í hann.