Á Auðnum bjó Jón nokkur Erlendsson, hreppstjóri, árið 1865. Frá þeim tíma eru skráðir all nokkrir hreppstjórar. Eftir Jón komu að Auðnum Guðmundur Guðmundsson frá Miðengi á Álftanesi, Gullbringusýslu, og kona hans, Anna Pálsdóttir, systir Stefáns á Stóru-Vatnsleysu, en Guðmundur var hálfbróðir  Guðrúnar  Lísbet á Minni-Vatnsleysu.

Guðmundur á Auðnum var oft nefndur “hinn ríki” og er Guðmundar víða getið í ritum og bókum, þó sér í lagi í þáttum Kristleifs fræðimanns í Kroppi í Borgarfirði og í bókinni “Litlu Skinnin” eftir séra Jón Thorarensen.

Guðmundur ver með mestu útgrðarmönnum á Suðurnesjum með 60 manns á vertíð og þar með um 20 fast heimilisfólk. Anna húsfrú stjórnaði öllu af röggsemi innanhúss, en bóndi hennar utandyra og útifrá. Guðmundur hafði góðar landnytjar og allnokkurn búpening, þó hann sinnti búskapnum minna en sjúmennskunni. Guðmundur og Anna eignuðust eina dóttur, Kristínu, er giftist Páli Briem, amtmanni. Einnig átti Guðmundur dóttur framhjá hjónabandi, hét sú Björg. Hún var alinn upp á Auðnum og var móðir hennar, Elín Þorláksdóttir kaupakona á Auðnum.

Guðmundur á Auðnum lést árið 1913, en Anna kona hanns bjó áfram til ársins 1915, að hún seldi Auðna Stefáni Sigurfinnssyni frá Stóru-Vatnsleysu og konu hans, Jóhönnu Sigurðardóttur frá Litla-Hólmi í Leiru, Gullbingusýslu, en Anna Pálsdóttir fékk að vera í horninu hjá ungu hjónunum á Auðnum þar til hún lést árið 1917.

(Heimild: “Mannlíf og mannvirki í Vatnsleysustrandarhreppi” eftir Guðmund Björgvin Jónsson)

. . . all info at: https://www.patreon.com/RafnSig

Subscribe to my Youtube Channel

You can buy this and other photos at my Icelandic Stock Photo Web: IcelandStockPhotos.com