Ný sjóndeildarsýn

Ef vel er að gáð má sjá að sjóndeildarlínan hefur breyst frá því síðast ég var á þessum slóðum.
Lítið eldfjall á Fagradalsfjalli hefur potað sér uppúr, grátt og guggið því þar er engan gróður að sjá, aðeins dautt, lífvana hraun og gígur.

Lengst til hægri má sjá Driffell, þá Kistufell, Gígurinn í Fagradalsfjalli, Fagradalsfjall og svo lengst til vinstri Hraunsels-Vatnsfell

Ég fór um þetta svæði í dag (2021-10-06) til þess að ljósmynda umhverfið, því nú höfum við fengið yfir 800 jarðskjálfta sem eiga upptök sín þarna í nágreninu svo það gæti alveg eins orðið eldgos á þessu svæði hvenær sem er, eða kannski ekki.

Nafnið Driffell er sérkennilegt og gæti verið komið af nafnorðinu drif, (snjódrífa, fjúk) eða þá af sögninni að drífa eitthvað áfram, reka eitthvað áfram og gæti þá átt við fjárrekstur enda auðveldast að koma fénu yfir úfið hraunið með því að fara Þórustaðastíginn um Driffellsmóana. A þessum slóðum er stígurinn einnig kallaður Driffellsstígur og hraunið umhverfis fellið Driffellshraun.