Geldingadalir eru djúpir dalir með breiðri grasflöt á Reykjanesskaga, nálægt Fagradalsfjalli. Þar er þúst á flötinni (eða þún var þar) og er sagt að þar sé Ísólfur á Skála grafinn. Vildi hann vera grafinn, þar sem geldingarnir hans hefðu það best, en sagan segir að hann hafi látið dysja sig í dalnum þar sem sauðir hans undu hags sínum svo vel.

 Að kvöldi 19. mars árið 2021 hófst eldgos úr sprungu í dölunum, fyrsta eldgosið á Reykjanesskaga í 800 ár.

Sveitarfélagið Vogar, áður Vatnsleysustrandahreppur er sveitarfélag á norðanverðu Reykjanesskaga. Flestir íbúar sækja vinnu annars staðar, til dæmis til Reykjavíkur eða Keflavíkur, en áður byggðist atvinnulífið aðallega á sjómennsku. Í sveitarfélaginu er byggðin Vogar, þar sem eru c.a. 1.300 manns. Flóinn sem þorpið stendur við heitir Vogavík en þorpið hét áður Kvíguvogar og Vogastapi, sunnan við þorpið hét Kvíguvogabjörg. Í Stakksfirði við Vogastapa voru góð fiskimið sem kallast Gullkistan. Vogar eru 14 km frá Reykjanesbæ og 25 km frá Hafnarfirði. Flestir íbúar búa í miðbænum Vogum en um 150 manns í dreifbýli.

Sveitarfélagið Vogar er næst landstærsta sveitarfélagið á Suðurnesjum og nær yfir Vatnsleysuströnd og bæinn Voga auk þess sem það teygir sig yfir í fjallgarðinn að Keili og Grænudyngju. Sunnan við Voga er Vogastapi og norðan við er Vatnsleysuströnd. Vogar eru um 25 km frá Hafnarfirði og um 14 km eru í Reykjanesbæ.

Sveitarfélagið Vogar tengir byggðirnar á höfuðborgarsvæðinu við byggðirnar á Reykjanesinu. Strandlengjan í sveitarfélaginu er um 30 km löng. Vatnsleysustrandarvegurinn, um 12 km langur, er lagður bundnu slitlagi og tilvalinn fyrir þá sem velja vilja minni og hægari umferð en ef ekið er eftir Reykjanesbraut.