Torfajökull er eldstöðvakerfi og jökull norðan við Mýrdalsjökul og sunnan við Þórisvatn. Hæsti tindur Torfajökuls er um 1.190 metra hár. Jökullinn er um 15 ferkílómetrar.

Askjan er gríðarlega stór en þó ekki mjög greinileg í landslaginu.  Hún er yfir 200 ferkílómetrar og miðjan er nokkurnveginn við Hrafntinnusker.  Telst þetta vera stærsta askja landsins

Torfajökulssvæðið er mesta ríólítsvæði á Íslandi og næstmesta háhitasvæði á eftir Grímsvötnum. Á svæðinu er stærsta askja landsins. Torfajökull gaus síðast um árið 1480 en einnig er vitað af gosi árið 872. Hrafntinnuhraun myndaðist í gosinu um 872 en súru hraunin við Landmannalaugar, Námshraunin og Laugahraun mynduðust í gosinu árið 1477.

Samkvæmt goðsögninni er jökullinn nefndur eftir Torfa Jónssyni í Klofa, íslenskri sögupersónu. Þegar pestin barst til Íslands árið 1493 flúði Torfi með fjölskyldu sína og eigur hans inn á hálendið og settist að í dal umkringdur jöklinum.