Stóra-Skógfell (184 m.y.s.)í Arnarseturshrauni. Á fellinu eru tveir tindar, og sá syðri nokkuð hærri. Milli þeirra er háls sem fjárgata liggur um. Í hliðunum erum ýmsar fléttur, kræður og glæður. Blóðberg- og lambagrasskollarnir settu svip á hlíðarnar. Á toppi toppanna eru litlar vörður. Útsýnið af austari toppnum til suðurs yfir Sundhnúkaröðina er einstök, sem og útsýni yfir gíg skammt austar og Sandhólinn, sem í raun er lítill gígur úr eldra hrauni. Stóra-Skógfell er úr bólstrabergi af svipaðri gerð og Sandfell, Stapafell og Súlur. Skógfellin, bæði Stóra- og Litla-, eru gamlir eldgígar, sem veður, vindar, vatn og ís hafa náð að „aflaga“. Frá þessum eldgígum rann mikið hraun en Arnarseturshraunið hefur runnið yfir að að miklu leiti því þar gaus síðar.