Þjórsárdalslaug var gerð úr afgangssementi sem féll til þegar verið var að byggja Búrfellsvirkjun. Hún var í upphafi hugsuð fyrir verkamennina til að baða sig í. Hún var tilvalinn staður þar sem hver er norðanmegin við laugina og til að blanda vatnið og ná réttu hitastigi í lauginni tóku þeir bara slönguna upp úr laugarendanum og létu hana kólna. Skemmtileg útvistarparadís upp á gamla móðinn.

Til þess að ferðamanninum mundi ekki leiðast á Íslandi, urðu menn að bregðast við.

Ferðaþjónusta verður byggð upp við Þjórsárdalslaug. Sveitarstjórn Skeiða- og Gnúpverjahrepps ákvað á fundi sínum í fyrradag (07-06-2017) að ganga til viðræðna við Rauðakamb ehf um uppbygginguna.

Byggingarfulltrúi Skeiða og Gnúverjahrepps úrskurðaði mannvirkin við laugina ónýt árið 2015. Magnús segir að gamla laugin verði rifin. Óvíst sé hversu stór nýja laugin verður.

Áætlanir gera ráð fyrir að framkvæmdum ljúki síðla árs 2019. Í tilkynningu kemur fram að áhersla verði lögð á að gæta vel að umhverfismálum, náttúruvernd og stýringu álags ferðamanna. Magnús segir að það verði gert meðal annars með því að takmarka umferð stórra bifreiða. Rútum og öðrum stærri bílum verði lagt við afleggjarann